<link href='http://fonts.googleapis.com/css?family=Codystar' rel='stylesheet' type='text/css'><center><center><img src="http://25.media.tumblr.com/tumblr_lzsynd3l7q1qdu4dpo1_500.jpg" style="width:500px;"></center><div style="width:450px; height:25px; background-color: #A76378; color:#ECD9B9;text-shadow: 0px 0px 8px #F9F6EC; padding: 25px;font-family: 'Codystar', cursive; font-size: 28px;">Le Titre du rp se met ici</div><div style="width:470px; background-color:#F1DFC7; color:#B1838F; padding:15px;text-align: justify; font-family:Georgia; font-family: georgia,serif; letter-spacing: 1.4pt; word-spacing: -2.8pt;
line-height: 1.3;">Quaestione igitur per multiplices dilatata fortunas cum ambigerentur quaedam, non nulla levius actitata constaret, post multorum clades Apollinares ambo pater et filius in exilium acti cum ad locum Crateras nomine pervenissent, villam scilicet suam quae ab Antiochia vicensimo et quarto disiungitur lapide, ut mandatum est, fractis cruribus occiduntur.

Haec ubi latius fama vulgasset missaeque relationes adsiduae Gallum Caesarem permovissent, quoniam magister equitum longius ea tempestate distinebatur, iussus comes orientis Nebridius contractis undique militaribus copiis ad eximendam periculo civitatem amplam et oportunam studio properabat ingenti, quo cognito abscessere latrones nulla re amplius memorabili gesta, dispersique ut solent avia montium petiere celsorum.

Eius populus ab incunabulis primis ad usque pueritiae tempus extremum, quod annis circumcluditur fere trecentis, circummurana pertulit bella, deinde aetatem ingressus adultam post multiplices bellorum aerumnas Alpes transcendit et fretum, in iuvenem erectus et virum ex omni plaga quam orbis ambit inmensus, reportavit laureas et triumphos, iamque vergens in senium et nomine solo aliquotiens vincens ad tranquilliora vitae discessit.

Et quoniam apud eos ut in capite mundi morborum acerbitates celsius dominantur, ad quos vel sedandos omnis professio medendi torpescit, excogitatum est adminiculum sospitale nequi amicum perferentem similia videat, additumque est cautionibus paucis remedium aliud satis validum, ut famulos percontatum missos quem ad modum valeant noti hac aegritudine colligati, non ante recipiant domum quam lavacro purgaverint corpus. ita etiam alienis oculis visa metuitur labes.

Vbi curarum abiectis ponderibus aliis tamquam nodum et codicem difficillimum Caesarem convellere nisu valido cogitabat, eique deliberanti cum proximis clandestinis conloquiis et nocturnis qua vi, quibusve commentis id fieret, antequam effundendis rebus pertinacius incumberet confidentia, acciri mollioribus scriptis per simulationem tractatus publici nimis urgentis eundem placuerat Gallum, ut auxilio destitutus sine ullo interiret obstaculo</div><div style="width:500px; height:20px; background-color:#A76378;color:#ECD9B9; font-size:8px; text-align:center;">Codage par Libella sur [url=http://graphiorum.forumactif.com/]Graphiorum[/url]</div>
</center>